અમેરિકન પોપ સિગંર રિહાના હાલ એક મહિનાથી ચર્ચામાં છે. કિસાન આંદોલન માટેનું તેની ટીપ્પણી તેમજ ભગવાન ગણેશનું પેડન્ટ પહેરીને શ્રદ્ધાળુઓની લાગણીને ઠેસ પહોંચાડી હતી. જોકે આ વખતે રિહાના પોતાના લકઝરિયસ બંગલાને વેંચવા માટે ફરી ચર્ચામાં છે. રિહાનાની નેટ વર્થ ૬૦ કરોડ અમેરિકન ડોલર એટલે કે ૪,૪ અબજ રૂપિયા આંકવામાં આવે છે. 

રિહાનાએ પોતાની આ પ્રોપર્ટી ૨૭.૫  મિલિયન પાઉન્ડસ રાખી છે, જે ભારતીય  કરન્સી પ્રમાણે રૂપિયા ૩૨૫ કરોડની આસપાસ થાય છે. જોકે હવે આ બંગલાની વેંચાણ કિંમતને હવે ઘટાડવામાં આવીને રૂપિયા ૨૭૯ કરોડ રાખવામાં આવી છે. 

રિહાનાનો આ બંગલો બહારથી સફેદ દૂધ જેવા રંગનો છે તેમજ આ બંગલાની આસપાસ હરિયાળી જ જોવા મળે છે. આ પાંચ માળીય મકાનમાં સુખ-સુવિધાઓની ભરપુર સગવડ છે. સોથી વધુ રસપ્રદ એ છે કે, તેણે પોતાના બંગલાની વેંચાણ કિંમતમાં ઘટાડો કર્યો હોવાથી બંગલાને ખરીદવામાં હવે વધુ લોકો રસ લઇ રહ્યા છે.