જો કે, ઈશ્વરભાઈની આત્મહત્યા અંગે તેમના ભાઈએ સોલા પોલીસમાં ફરિયાદ નોંધાવી હતી. જેમાં સ્યુસાઈડ નોટમાં જણાવેલા નામો પૈકી પ્રવીણ પંચાલ, કવિતા પંચાલ અને રમેશ પંચાલ વિરુદ્વ ફરિયાદ કરવામાં આવી છે. તેમના અગાઉના કેસના સમાધાન માટે મોટી રકમની ત્રણેય લોકો દ્વારા માંગણી કરવામાં આવી હતી. જેના કારણે દબાણમાં આવી ઈશ્વરભાઈએ આત્મહત્યા કરી લીધી હોવાનો આક્ષેપ કરાયો છે.

પોલીસે મોડે-મોડે એફઆઈઆર નોંધ્યા બાદ ઉપરોક્ત ત્રણેય વ્યક્તિઓને પકડવાના બદલે આગોતરા જામીન મળે ત્યાં સુધી રાહ જોવાનું કુણું વલણ અપનાવ્યું હોય તેમ જોવા મળી રહ્યું છે. ત્રણેય વ્યક્તિઓએ અમદાવાદની સેસન્સ કોર્ટમાં આગોતરા જામીન મેળવવા અરજી કરી હતી. જેને ન્યાયમૂર્તિએ ફગાવી દઈ જામીન અરજી નામંજૂર કરી હતી. જો કે, હજી સુધી ઉપરોક્ત ત્રણેયમાંથી એકની પણ સોલા પોલીસ દ્વારા ધરપકડ કરવામાં આવી નથી. જો કે,આ ત્રણેય વ્યક્તિઓ ઉચ્ચ અદાલતમાં આગોતરા જામીન અરજી કરવાની વેતરણમાં હોવાનું જાણવા મળેલ છે.