કોરોનાના કેસમાં દિવસેને દિવસે વધારો થઇ રહ્યો છે ત્યારે કચ્છમાં કોરોનાનો પ્રથમ પોઝીટીવ કેસ નોંધાયો છે . કચ્છમાં એક મહિલાનો રીપોર્ટ પોઝીટીવ આવ્યો છે. કચ્છના લખપતમાં એક મહિલાનો રીપોર્ય પોઝીટીવ આવ્યો છે. આ મહિલા સાઉદી અરબથી પરત ફરી હતી.

ઉલ્લેખનીય છે કે રાજ્યમાં દિવસેને દિવસે કોરોના કેસની સંખ્યામાં વધારો થઈ રહ્યો છે, ત્યારે કચ્છમાં પણ એક મહિલાનો કેસ પોઝીટીવ આવ્યો છે. આ મહિલાની સાથે સંપર્કમાં આવનાર અન્ય લોકોની પણ તપાસ શરુ કરવામાં આવી છે. લખપતની 59 વર્ષીય મહિલાનો રીપોર્ટ પોઝીટીવ આવ્યો છે.

ગઈ કાલે કચ્છમાં એકજ દિવસમાં 6 જેટલા સસ્પેક્ટેડ કેસો સામે આવ્યા હતા તમામને ભુજની જનરલ હોસ્પીટલના આઈસોલેસન વોર્ડમાં દાખલ કરવામાં આવ્યા હતા.

અત્યારે હાલ ગુજરાતમાં કોરોનાના કુલ 14 કેસ પોઝીટીવ આવ્યા છે જેમાંથીં 3 કેસ વડોદરામાં, 3 સુરતમાં, 5 અમદાવાદમાં, 1 ગાંધીનગરમાં, 1 રાજકોટમાં અને 1 કેસ કચ્છમાં નોંધવામાં આવ્યો છે...  

દુનિયામાં કોરોના વાયરસની ઝપેટમાં આશરે 2 લાખ 70 હજાર લોકો આવી ગયા છે અને 11000 લોકોના મૃત્યુ થયા છે. ભારતમાં કુલ 258 લોકો સંક્રમિત છે અને 4 લોકોના મૃત્યુ થયા છે. મહારાષ્ટ્ર 63 કેસો સાથે સૌથી વધારે અસરગ્રસ્ત છે તો ગુજરાતમાં સંક્રમિત લોકોની સંખ્યા 14 થઇ ગઈ છે.