જયંતી રવીએ જણાવ્યું હતું કે, રાજ્યમાં કાલ સાંજ થી અત્યારસુધી (10/04/2020 Till 10:50Am) માં વધુ 46 પોઝીટીવ કેસો નોંધવામાં આવ્યા હતા, જે પૈકી અમદાવાદમાં 11, પાટણમાં 2, વડોદરામાં 17, રાજકોટમાં 5, કચ્છમાં 2, ભરૂચમાં 4, ગાંધીનગરમાં 1, ભાવનગરમાં 4 કેસ નોંધવામાં આવ્યા હતા. રાજ્યમાં વધુ 46 પોઝીટીવ કેસ નોંધાતા કોરોના વાયરસના કુલ 308 કેસો નોંધવામાં આવ્યા છે.

આ ઉપરાંત જયંતી રવીએ જણાવ્યું હતું કે, છેલ્લા 24 કલાકમાં રાજ્યમાં 2 લોકોના મૃત્યુ થયા છે. તે ઉપરાંત આજે 4 વ્યક્તિને ડીસ્ચાર્જ કરવામાં આવ્યા છે. તેમજ તેમને જણાવ્યું હતું કે હજી પણ રાજ્યમાં કોરોના વાયરસના કેસોમાં વધારો થઇ શકે છે પરંતુ લોકોએ ડરવાની જરૂર નથી. આ ઉપરાંત જયંતી રવીએ કહ્યું હતું કે, રાજ્યમાં કોરોના દર્દીનો મૃત્યુઆંક 19 પર પહોંચી ચુક્યો છે. આ ઉપરાંત અમદાવાદના એક ડોકટરનો રીપોર્ટ પણ પોઝીટીવ આવ્યો છે.

રાજ્યમાં 308 કેસો પૈકી અમદાવાદ 153, સુરત 24, રાજકોટ 18, વડોદરા 39, ગાંધીનગર 14, ભાવનગર 22, કચ્છ 4 , મહેસાણા 2, ગીર સોમનાથમાં 2, પોરબંદર 3, પંચમહાલ 1, પાટણમાં 14, છોટા ઉદેપુર 2, જામનગર, મોરબી, સાબરકાંઠા, દાહોદ 1-1 કેસ તેમજ આણંદમાં 2 કેસ નોંધવામાં આવ્યા છે.