ગુજરાતમાં સ્થાનિક સ્વરાજની ચૂંટણી: BJPની ભવ્ય જીત, ગાંધીનગરમાં કમલમ ખાતે વિજયોત્સવ

ગુજરાતમાં આજે જાહેર થયેલા સ્થાનિક સ્વરાજની ચૂંટણીના પરિણામોમાં ભારતીય જનતા પાર્ટી (BJP)નો દમદાર વિજય થયો છે. મુખ્યત્વે, રાજકોટ જિલ્લાની તમામ નગરપાલિકાઓમાં ભાજપે બહુમત હાંસલ કર્યું છે, જ્યારે બીલીમોરામાં વિવાદ સર્જાતા પોલીસને મધ્યસ્થી કરવી પડી હતી.

રાજકોટ જિલ્લામાં BJPનો દબદબો

રાજકોટ જિલ્લાની પાંચેય નગરપાલિકાઓમાં ભાજપે જીત નોંધાવી છે.                                                                   

• જેતપુર: 44માંથી 32 બેઠક પર ભાજપનો વિજય, 11 અપક્ષ અને 1 બેઠક કોંગ્રેસને મળી.                                       
• ઉપલેટા: 36માંથી 27 બેઠક પર ભાજપે જીત મેળવી, 6 કોંગ્રેસ, 2 અપક્ષ અને 1 AIMIM ઉમેદવાર વિજેતા બન્યા.                                                                                                                                      
• જસદણ: 28માંથી 22 બેઠક પર ભાજપનો વિજય, 5 કોંગ્રેસ અને 1 અપક્ષ.                                                             
• ભાયાવદર: 24માંથી 15 બેઠક ભાજપના ખાતે ગઈ, જ્યારે 9 બેઠક કોંગ્રેસે જીતી.                                         
• ધોરાજી: 36માંથી 24 બેઠક પર ભાજપનો વિજય, 5 બેઠકો પર ઉમેદવાર ન મળ્યા છતાં મોટો સરસાવો BJPના હિસ્સે આવ્યો.                                                                                                                                   

બીલીમોરામાં વિવાદ

નવસારી જિલ્લાના બીલીમોરામાં BJPના વોર્ડ 2 ના ઉમેદવારની હાર બાદ તંગદિલી ઉભી થઈ. હારીશ ઓડનાં સમર્થકોએ કોંગ્રેસનાં સમર્થકો પર હુમલો કર્યો હોવાની માહિતી મળી છે. પોલીસ દ્વારા તાત્કાલિક કાર્યવાહી કરવામાં આવતા સ્થિતિ કાબૂમાં લાવવામાં આવી.

છોટાઉદેપુરમાં બસપા અને BJP કાર્યકરો વચ્ચે તણાવ

છોટાઉદેપુરના પુરોહિત ફળીયામાં ભાજપ અને બસપા સમર્થકો વચ્ચે તણાવની સ્થિતિ ઊભી થઈ. પોલીસએ સ્થળ પર પહોંચી બંને પક્ષોને સમજાવી સ્થિતિ નિયંત્રિત કરી.

ગાંધીનગર કમલમ ખાતે BJPનો વિજયોત્સવ

રાજ્યભરમાં BJPના કાર્યકર્તાઓ વિજયની ઉજવણી કરી રહ્યા છે. ગાંધીનગરમાં કમલમ ખાતે પણ ભવ્ય વિજયોત્સવ યોજાયો.

• પ્રદેશ અધ્યક્ષ CR પાટીલ દ્વારા પત્રકાર પરિષદ યોજાઈ શકે છે.
• મુખ્યમંત્રી ભૂપેન્દ્ર પટેલ પણ હાજર રહે તેવી સંભાવના.