હાફ્તાના પ્રથમ દિવસે ભારતીય શેરબજાર નરમાઈ સાથે શરૂ થયું છે. સવારે 9:30 વાગ્યે BSE સેન્સેક્સ 94.73 પોઇન્ટ ઘટીને 83,964 અંક પર ખુલ્યો, જ્યારે NSE નિફ્ટી 21.90 પોઇન્ટ ઘટીને 25,615 અંક પર ટ્રેડ થતો જોવા મળ્યો.

આ ઘટાવનું મુખ્ય કારણ માર્કેટના ભારે વજનદાર શેરો HDFC બેંક, રિલાયન્સ ઇન્ડસ્ટ્રીઝ અને ICICI બેંક માં નોંધપાત્ર ઘટાડો રહેવું છે.

સેક્ટોરિયલ અપડેટ:

• PSU બેંક ઈન્ડેક્સમાં સૌથી વધુ 0.94%નો વધારો થયો છે, જે બજાર માટે પોઝિટિવ સંકેત છે.

• બીજી તરફ, ઓટો ઈન્ડેક્સમાં સૌથી વધુ નબળાઈ જોવા મળી છે, જે ઓટો સેક્ટરમાં બજારની સતર્કતા દર્શાવે છે.

ગ્લોબલ માર્કેટ તરફ નજર:

એશિયાઈ બજારોમાં આજે તેજીનો માહોલ છે:

• જાપાનનો નિક્કેઇ ઈન્ડેક્સ 1.6% વધ્યો.

• ટોપિક્સ ઈન્ડેક્સ 1%ના ઉછાળે છે.

• દક્ષિણ કોરિયાનો કોસ્પી 0.64% ઉછલ્યો છે.

• ઓસ્ટ્રેલિયાનો ASX 200 0.19% વધ્યો છે.

અમેરિકાના માર્કેટ્સમાં પણ શુક્રવારે તેજી રહી:

• S&P 500 6,173.07ના ઓલટાઈમ હાઈ પર બંધ થયો.

• Nasdaq Composite પણ 0.5%ના નવા વધારા સાથે હાઈ પર બંધ થયો.

• Dow Jonesમાં પણ લગભગ 1%નો વધારો જોવા મળ્યો.

વૈશ્વિક સ્તરે શું ચાલી રહ્યું છે?

એપ્રિલમાં ઘટાડાની સાથે શરુ થયેલા માર્કેટમાં હવે જૂનમાં સુધારો જોવા મળી રહ્યો છે, ખાસ કરીને અમેરિકી ઈક્વિટી માર્કેટમાં. જોકે વૈશ્વિક વેપાર સંબંધિત અણધાર્યા સમાચાર અને નીતિગત અનિશ્ચિતતાઓ બજારના મૂડને અસરો પાડી રહ્યા છે.