રાજય સરકારે ખેડૂતોના હિતમાં વધુ એક મહત્વનો નિર્ણય કર્યો છે. જે મુજબ આગામી તા. ૨૧ ઓકટોબરથી ૯૦ દિવસ દરમિયાન રાજય સરકાર લઘુત્તમ ટેકાના ભાવે ખરીફ માર્કેટીગ સિઝન ૨૦૨૦-૨૧ માટે પ્રતિ કવિન્ટલ (૧૦૦ કિ.ગ્રા.) મગફળી રૂ. ૫૨૭૫/- ના ભાવે ખરીદશે. જે કેન્દ્ર સરકાર દ્વારા નક્કી કરવામાં આવેલા ધારાધોરણો મુજબ હશે.

ખેડૂતોએ આ યોજનાનો લાભ લેવા ચાલુ વર્ષના ૭/૧૨ તેમજ ૮-અ નાં ઉતારા તથા પાસબુકની નકલ/કેન્સલ ચેકની નકલ સાથે ગ્રામ કક્ષાએ વી.સી.ઇ. (ગ્રામ પંચાયત કચેરી) એપીએમસી કેન્દ્ર ખાતે તા. ૧/૧૦/૨૦૨૦ થી તા. ૨૦/૧૦/૨૦૨૦ સુધી ખરીદીના ભાગરૂપે  ઓનલાઇન રજીસ્ટ્રેશન એનરોલમેન્ટ રજીસ્ટ્રેશન કરાવવાનું રહેશે. જે માટે તાલુકાના ગોડાઉન મેનેજરનો સંપર્ક કરવાનો રહેશે. પ્રતિ હેક્ટર મહત્તમ ખરીદી ૨૫૦૦ કિ.ગ્રા. રહેશે.