બનાસ ડેરીની ચૂંટણીમાં વર્તમાન ચેરમેન શંકર ચૌધરી ફરી હુકમનો એક્કો છે એ સાબિત કર્યું. બનાસડેરીની ચુંટણીમાં તમામ 16 બેઠકો બિનહરીફ થતાં હવે ફરી તેઓ જ ચેરમેન પદે રહેશે. તમામ બેઠકો બિનહરીફ જાહેર થતાં ચેરમેન અને વાઈસ ચેરમેનની પણ સર્વાનુમતે પસંદગી થશે. 

બનાસ ડેરીની ચૂંટણીમાં શંકર ચૌધરીને હરાવવા એક સમયે ભાજપના જ દિગ્ગજો સાંસદ પરબતભાઈ પટેલ,પૂર્વ ચેરમેન પરથીભાઈ ભટોળ અને વાઈસ ચેરમેન માવજીભાઈ દેસાઈ સામે પડ્યા હતા. ત્યારે શંકર ચૌધરીએ એવી બાજી ખેલી કે આ બધા દિગ્ગજોને પરાસ્ત કર્યા અને એમણે જાતે જ ફોર્મ પરત ખેંચવા પડે તેવો અપસેટ સર્જી દીધો છે. આજે ફોર્મ ખેંચવાનો છેલ્લો દિવસ છે ત્યારે વાઈસ ચેરમેન માવજી દેસાઈએ પણ ફોર્મ ખેંચીને ડેરીના રાજકારણમાં જ નીકળી ગયા છે.

આ ચુંટણીની સાથે જ શંકર ચૌધરીએ પોતાના રાજકીય વિરોધી અને 24 વર્ષથી એક હથ્થુ શાસન ચલાવતા ડેરીના પૂર્વ ચેરમેન પરથીભાઈ ભટોળ તથા માવજી દેસાઈને પુરા કરી દીધા છે