તાજમહલના 22 બંધ દરવાજાઓનું રહસ્ય: શું છુપાવ્યું છે એનાં અંદર?

 ભારતીય સ્થાપત્યકલાકૃતિનો એક અદ્ભૂત ચમત્કાર, જેણે સદીઓથી સમગ્ર વિશ્વના પ્રવાસીઓને મંત્રમુગ્ધ કર્યા છે. મુઘલ બાદશાહ શાહજહાંએ 1632માં તેની પ્રિય પત્ની મુમતાઝ મહલની યાદમાં તાજમહલનું નિર્માણ કરાવ્યું હતું, જે 1643માં પૂર્ણ થયું હતું. સફેદ મકરાનાના પથ્થરોમાં ઝળહળતી આ ઈમારત 42 એકરના વિસ્તાર પર ફેલાયેલી છે, જેમાં એક મસ્જિદ અને મહેમાનખાનું પણ સામેલ છે.

તાજમહલના બંધ ઓરડાઓમાં શું છુપાયું છે?

તાજમહલના મુખ્ય મકબરા હેઠળ 22 એવા ઓરડાઓ છે જે સદીઓથી બંધ છે. ઇતિહાસ અનુસાર, આ ઓરડાઓ 1934માં છેલ્લે ખુલ્યા હતા. ત્યારથી તેઓ બંધ જ છે. તાજમહલના પહેલા માળે પણ અનેક ઓરડાઓ છે, જ્યાં સુધી પહોંચતી સીડીઓ શાહજહાંના સમયમાં બંધ કરવામાં આવી હતી. કેટલાક ઇતિહાસકારો માને છે કે આ ઓરડાઓમાં મુઘલ સામ્રાજ્યના કાળના દુર્લભ દસ્તાવેજો, કલાત્મક કૃતિઓ તથા કિંમતી ખજાના છુપાયેલા હોઈ શકે.

શું આ ઓરડાઓમાં સોનું-ચાંદી દફન છે?

કેટલાક લોકો માને છે કે તાજમહલના બંધ ઓરડાઓમાં સોનું-ચાંદી અને દુર્લભ રત્નો છુપાયેલા છે. ભારતીય પુરાતત્વ સર્વેક્ષણ (ASI)એ આ ઓરડાઓ અંગે કેટલીક તસવીરો જાહેર કરી છે, જેમાં રૂમોની અંદરની ઝલક જોવા મળે છે. ઇતિહાસકારો કહે છે કે અહીં મુઘલ સામ્રાજ્યના કાળના મહત્વના દસ્તાવેજો તથા પાંડુલિપિઓ હોઈ શકે.

શું તાજમહલમાં હિન્દુ મૂર્તિઓ છે?

કેટલાક વિદ્વાનો કહે છે કે તાજમહલ મૂળરૂપે એક મંદિર હતું જ્યાં હિન્દુ દેવી-દેવતાઓની મૂર્તિઓ સ્થાપિત હતી, જેને બાદમાં શાહજહાંએ મકબરાની રચના માટે બદલી નાખ્યું. એ વાતે વધુ તાકાત પકડી જ્યારે તાજમહલના ચારેય મિનારા બંધ ઓરડાઓ સાથે જોડાયેલા હોવાનું જણાયું. કેટલાક ઇતિહાસકારો માને છે કે આ ઓરડાઓમાં આજે પણ હિન્દુ મૂર્તિઓ, શિલાલેખો અને અન્ય પુરાવાઓ હોઈ શકે.

બંધ ઓરડાઓ ખોલવા માટે પીઆઈએલ દાખલ

તાજેતરમાં બંધ ઓરડાઓ ખોલવા માટે એક જાહેર હિતની અરજી (PIL) અલ્હાબાદ હાઈકોર્ટની લખનૌ બેન્ચમાં દાખલ કરવામાં આવી હતી, જેને કોર્ટે નકારી દીધી હતી. જોકે, તાજમહલના બંધ દરવાજાઓનું રહસ્ય આજે પણ લોકો માટે ઉત્સુકતાનો વિષય છે.