બોલીવુડમાં હાલમાં ચાલી રહેલા ડ્રગ્સકાંડ વિશે અક્ષયકુમારે ટ્વિટ કરી ને શું કહ્યું જાણો સમગ્ર મામલો..

ડ્રગ્સ મુદ્દે અક્ષય કુમારે મૌન તોડ્યું, 'હા, ડ્રગ્સનો મુદ્દો છે, પણ પ્લીઝ આખી ઈન્ડસ્ટ્રીને બદનામ ન કરો'

સુશાંત સિંહ રાજપૂતના અપમૃત્યુ પછી બોલિવૂડમાં ફૂંકાયેલા ડ્રગ અબ્યુઝના વાવાઝોડામાં દીપિકા પાદુકોણ, શ્રદ્ધા કપૂર, રકુલ પ્રીત સિંહ જેવાં મોટાં નામો સામે આંગળી ચીંધાઈ હતી. તેમ છતાં અત્યાર સુધી એકેય મોટા સ્ટારે એક હરફ સુદ્ધાં ઉચ્ચાર્યો નહોતો. પરંતુ હવે અક્ષય કુમારે આ મુદ્દે મૌન તોડ્યું છે. એણે એક ઇમોશનલ વીડિયો મૂકીને દેશના મીડિયાને અને લોકોને અપીલ કરી છે કે પ્લીઝ આ મુદ્દે આખી ઈન્ડસ્ટ્રીને બદનામ કરવાનું બંધ કરો. અન્ય કોઈપણ ક્ષેત્રની જેમ અહીં પણ અમુક લોકો ડ્રગ્સ લેતા હોઈ શકે છે, પરંતુ તે માટે આખી ઈન્ડસ્ટ્રીને વગોવીને કોઈની આખી જિંદગીભરની રેપ્યુટેશનને ધૂળધાણી કરી દેવી એ યોગ્ય નથી.

વીડિયોમાં અક્ષય કુમાર કહે છે,

'આજે ભારે હૈયે તમારી સાથે એક વાત શૅર કરવી છે. આમ તો ઘણા દિવસથી એ વિશે ઘણા વિચાર આવેલા, પણ ચારેકોર એટલી બધી નેગેટિવિટી હતી, કે સમજાતું નહોતું કે શું કહું, કેટલું બોલું, કોને કહું? જુઓ, અમે ભલે સ્ટાર કહેવાતા હોઈએ, પણ બોલિવૂડને તમે તમારા પ્રેમથી બનાવ્યું છે. અમે માત્ર એક ઇન્ડસ્ટ્રી જ નથી. અમે અમારી ફિલ્મોના માધ્યમથી આપણા દેશની સંસ્કૃતિ, આપણાં મૂલ્યોને વિશ્વના ખૂણેખૂણામાં પહોંચાડ્યાં છે. જ્યારે જ્યારે તમારાં સેન્ટિમેન્ટ્સની વાત આવી, તમે જે અનુભવતા હતા, ફિલ્મોએ તેને વ્યક્ત કરવાની કોશિશ કરી છે. પછી એ એન્ગ્રી યંગ મેનવાળો આક્રોશ હોય, કે કરપ્શન હોય, ગરીબી હોય, બેકારી હોય, દરેક ઇશ્યૂને સિનેમાએ પોતાની રીતે બતાવવાની કોશિશ કરી છે. તેમ છતાં આજે જો તમારી અંદર ગુસ્સો હોય તો તે ગુસ્સો પણ અમારાં આંખ-માથા પર.

અને છેલ્લે, આપ સૌ ફેન્સ, તમામને મારો એ મેસેજ છે કે યાર, તમે સૌએ જ તો અમને બનાવ્યા છે. તમારા વિશ્વાસને અમે વ્યર્થ નહીં જવા દઇએ. જો તમને કોઈ વાતની નારાજગી હોય તો અમે અમારી ખામીઓ દૂર કરવા માટે ઓર મહેનત કરીશું. તમારો પ્રેમ, વિશ્વાસ અમે જીતીને જ રહીશું. તમે છો તો અમે છીએ. બસ, અમારી સાથે રહેજો. થેન્ક યુ, થેન્ક યુ વેરી મચ.'