કોરોનાની ફરજમાં હાજર ન થતા સરકારી બાબુઓની હવે ખેર નથી, અમદાવાદ જીલ્લાના 2 અધિકારીઓને આપવામાં આવી નોટીસ...

સમગ્ર વિશ્વ કોરોના મહામારીનો સામનો કરી રહ્યું છે. વિશ્વભરમાં ફેલાયેલા નોવેલ કોરોના વાયરસની બીમારીને WHO દ્વારા વૈશ્વિક મહામારી જાહેર કરવામાં આવી છે. ગુજરાત રાજ્યમાં આ રોગના કેસો વધી રહ્યા છે ત્યારે આ રોગને વધુ ફેલાતો અટકાવવા સમગ્ર જિલ્લા વહીવટી તંત્ર અને રાજ્ય સરકાર તાકેદારીપૂર્ણ પગલા લઈ રહી છે તેના ભાગ રૂપે કેન્દ્ર સરકારના ગૃહ સચિવના પત્ર લોકડાઉન દરમિયાન બહાર પડાયેલી માર્ગદર્શિકા અંતર્ગત એક્ઝીક્યુટીવ મેજીસ્ટ્રેટોને તેઓના સ્થાનિક કાર્યક્ષેત્રના INCIDENT COMMANDER તરીકે કામગીરી કરવા તથા ઉક્ત ગાઈડલાઈન ની તમામ સૂચનાઓ ધ્યાને લઈને ફરજ પરના અધિકારી, કર્મચારીઓ પૂરતા ઓન ડ્યુટી પાસ, વાહન પાસ, આવશ્યક ચીજ વસ્તુઓ, સેવાઓના નિયત નમૂનાના મુક્તિ પાસ આપવાના હોઈ જિલ્લા કલેકટર શ્રી દ્વારા જીલ્લાના 6 જેટલા અધિકારી શ્રીઓની નિમણુક કરવામાં આવી છે.