સુઇગામ હાઇવે પરથી હેવી ઓઇલ રિફાઇનરીના ટેન્કર પસાર થતાં 5 કલાક વીજપુરવઠો ખોરવાયો.
સુઇગામ હાઇવે પરથી હેવી ઓઇલ રિફાઇનરીના ટેન્કર પસાર થતાં 5 કલાક વીજપુરવઠો ખોરવાયો.
બનાસકાંઠાના સરહદી સુઇગામ વિસ્તારમાંથી બુધવારે સવારે 8 કલાકે કંડલા તરફથી આવતા 4 હેવી ઓઇલ મશીનરી ભરેલ વાહનો પસાર થતાં બોરુથી સુઇગામ સુધીના કસ્ટમ રોડ અને સુઇગામથી કાણોઠી સુધી હાઇવે રોડ વચ્ચે આવતા વીજ વાયરો કાપવા પડ્યા હોઈ 5 કલાક વીજ પુરવઠો ખોરવાઈ ગયો હતો, હેવી વજન અને 35 ફૂટ ઊંચા તેમજ લગભગ 50 ફૂટથી વધુ લાંબા રિફાયનરી મશીન પસાર થતા તેને પસાર કરવા માટે જલોયા 66 કે.વી.સબ સ્ટેશનના મોરવાડા ફીડર તેમજ જલોયા ફીડરના લીંબુણી,નવાપુરા,હરસડ,મોરવાડા,ધરેચાણા,ડુંગળા,દુદોસણ, બોરું, મસાલી, માધપુરા, તેમજ જલોયા,સુઇગામ, રાજપુરા,બેણપ,દુધવા,સેડવ,કુંભારખા,ઉચોસણ, જોરાવરગઢ વિગેરે ગામોમાં 5 કલાક માટે વીજ પુર્વથી ખોરવાઈ ગયો હતો,જોકે ઓઇલ મશીનરીના વાહનો પસાર થયા બાદ તાત્કાલિક કામગીરી હાથ ધરી વીજપુરવઠો પૂર્વવત કરાયો હતો