વિરાટ કોહલીની મેચ મફતમાં જોવાનો મોકો! ફક્ત આ ડોક્યૂમેન્ટ જોઈએ

વિરાટ કોહલી રણજી ટ્રોફીમાં ફરી મેદાનમાં, ચાહકો માટે ખાસ તક

ચેમ્પિયન્સ ટ્રોફી પહેલા, ભૂતપૂર્વ ભારતીય કેપ્ટન વિરાટ કોહલી હવે રણજી ટ્રોફીમાં રમતા જોવા મળશે. દિલ્હી ટીમ તરફથી રમી રહેલા કોહલી આજથી (30 જાન્યુઆરી) રેલવે સામે મેદાનમાં ઉતરશે. આશરે 13 વર્ષ પછી કોહલી રણજી ટ્રોફી મેચ રમવા જઈ રહ્યો છે. આ પહેલા, તેણે કોટલા મેદાન પર ઘણી નેટ પ્રેક્ટિસ કરી હતી.

ચાહકો માટે સારા સમાચાર – મફતમાં મેચ જોવા મળશે!

વિરાટ કોહલીના ચાહકો માટે એક શાનદાર તક મળી છે. જો તમે સ્ટેડિયમમાં બેસીને આ ઇતિહાસી મેચ જોવી માંગતા હો, તો તમારા માટે મફત પ્રવેશ ઉપલબ્ધ છે. મફતમાં મેચ જોવા માટે, ચાહકોએ માત્ર પોતાનું આધાર કાર્ડ સાથે રાખવું પડશે.

કોહલીની છેલ્લી રણજી ટ્રોફી મેચ 2012માં ગાઝિયાબાદમાં ઉત્તર પ્રદેશ સામે રમાઈ હતી. હવે 13 વર્ષ બાદ તે ફરી રણજીમાં રમશે, જે તેના ચાહકો માટે વિશેષ ક્ષણ બની રહેશે.

DDCA અને બ્રોડકાસ્ટર્સનો મોટો નિર્ણય

મેચના પ્રસારણને લઈને દિલ્હી અને જિલ્લા ક્રિકેટ એસોસિએશન (DDCA) અને બ્રોડકાસ્ટર્સે એક મહત્વપૂર્ણ નિર્ણય લીધો છે. પહેલા એવું લાગતું હતું કે મેચનું લાઈવ પ્રસારણ થશે નહીં. જોકે, છેલ્લી ઘડીએ મોટો ફેરફાર કરવામાં આવ્યો છે. હવે જિયો સિનેમા આ મેચનું લાઈવ પ્રસારણ કરશે.

મેચમાં મોટી સંખ્યામાં દર્શકોની અપેક્ષા

DDCAના સચિવ અશોક કુમાર શર્મા મુજબ, મેચના પહેલા દિવસે ઓછામાં ઓછા 10,000 દર્શકો હાજર રહેશે. કોહલીને લાઈવ રમતા જોવા માટે ચાહકોમાં ભારે ઉત્સાહ છે. આજે સ્ટેડિયમ ભરી જશે, અને ક્રિકેટ ચાહકો માટે આ એક યાદગાર ક્ષણ બની રહેશે.