ખેડૂતો માટે મહત્વની જાણકારી: PM-Kisan નો 19મો હપ્તો ક્યારે આવશે?

જો તમે PM-Kisan સન્માન નિધિ યોજના હેઠળ લાભાર્થી છો, તો આ સમાચાર તમારા માટે મહત્વના છે. પ્રધાનમંત્રી નરેન્દ્ર મોદી 24મી ફેબ્રુઆરી 2025 ના રોજ આ યોજના હેઠળ 19મો હપ્તો જારી કરશે. અગાઉ 23મી ફેબ્રુઆરીએ હપ્તો ટ્રાન્સફર થવાની આશા હતી, પરંતુ હવે અધિકૃત ઘોષણા અનુસાર, 24મી ફેબ્રુઆરીએ DBT (Direct Benefit Transfer) દ્વારા પૈસા ખેડૂતોના ખાતામાં જમા થશે.

22000 કરોડ DBT દ્વારા ટ્રાન્સફર થશે

PM-Kisan યોજનાના 19મા હપ્તા હેઠળ 9.8 કરોડ ખેડૂતોના ખાતામાં કુલ 22000 કરોડ રૂપિયા સીધા જમા કરાશે. આ યોજના હેઠળ ખેડૂતોને દર ચાર મહિને 2000 રૂપિયા અને એક વર્ષમાં કુલ 6000 રૂપિયાની સહાય આપવામાં આવે છે. સરકારનો હેતુ ખેડૂતોની આવકમાં વધારો કરવો અને તેમની આર્થિક સ્થિતિ સુધારવાનો છે.

હપ્તો ક્યાંથી રિલીઝ કરવામાં આવશે?

કેન્દ્રીય કૃષિ મંત્રી શિવરાજસિંહ ચૌહાણએ જણાવ્યું હતું કે પ્રધાનમંત્રી નરેન્દ્ર મોદી બિહારના ભાગલપુર ખાતે યોજાનાર સમારોહમાં આ હપ્તો રિલીઝ કરશે. હપ્તો સીધો DBT માધ્યમથી ખેડૂતોના બેંક ખાતામાં જમા કરાશે.

PM-Kisan હપ્તો ચેક કરવા માટે શું કરવું?

ખેડૂતો PM-Kisan પોર્ટલ (pmkisan.gov.in) અથવા PM-Kisan મોબાઇલ એપ મારફતે ચેક કરી શકે છે કે હપ્તો તેમના ખાતામાં જમા થયો છે કે નહીં. હપ્તો ન મળ્યો હોય તો તમે હેલ્પલાઈન નંબર 155261 અથવા 1800-115-526 પર સંપર્ક કરી શકો છો.

યોજનાનો હેતુ અને ફાયદા

• નાના અને મધ્યમ વર્ગના ખેડૂતોને સીધી નાણાકીય સહાય
• કોઈ મધ્યસ્થી વિના DBT દ્વારા સીધા ખાતામાં પૈસા
• ખેડૂતોની આવકમાં વધારો અને ખેતી માટે પ્રોત્સાહન

ખેડૂતોએ સમયસર PM-Kisan પોર્ટલ પર પોતાના બેંક એકાઉન્ટ અને KYC ડિટેલ્સ અપડેટ કરાવવા જોઈએ જેથી સહાય મળી શકે. 24મી ફેબ્રુઆરીએ હપ્તો તમારા ખાતામાં જમા થાય કે નહીં, તે તમે PM-Kisan વેબસાઈટ અથવા મોબાઇલ એપ દ્વારા ચેક કરી શકો છો.