અમેરિકાની પહેલી ઉડતી કાર: એલેફ એરોનોટિક્સને 3,300 પ્રી-ઓર્ડર મળ્યા

અમેરિકાની પહેલી ઉડતી કાર: હકીકત બની sci-fi સપનું

જો તમે 'હેરી પોટર'માં હેરી અને રોનને ઉડતી કારમાં જોયા હોય, તો હવે તે માત્ર ફિલ્મનું દ્રશ્ય ન રહ્યા, હકીકત બની ગયું છે. અમેરિકાની એક કંપનીએ આવી કાર તૈયાર કરી છે, જે શહેરી વાતાવરણમાં ઉડવા માટે સક્ષમ છે.

ઉડતી કારનો સફળ પરીક્ષણ ઉડાન

યુએસ સ્થિત સસ્ટેનેબલ મોબિલિટી કંપની એલેફ એરોનોટિક્સ (Alef Aeronautics) એ તેની ઉડતી કારના પરીક્ષણો સફળતાપૂર્વક પૂરા કર્યા છે. આ કંપની 2015માં કેલિફોર્નિયામાં શરૂ થઈ હતી અને વર્ટિકલ ટેકઓફ (VTOL) ટેક્નોલોજી પર કામ કરતી પ્રથમ કંપનીઓમાંની એક છે. કંપનીએ એક કાળા રંગની, સંપૂર્ણપણે ઇલેક્ટ્રિક પ્રોટોટાઇપ કાર રજૂ કરી છે, જે શહેરી રસ્તા પરથી સીધી ઉડી શકે છે.

પ્રથમ ઉડતી કાર માટે મંજૂરી

2023માં, એલેફ એરોનોટિક્સને ફેડરલ એવિએશન એડમિનિસ્ટ્રેશન (FAA) તરફથી પ્રાયોગિક ફ્લાઈટ સર્ટિફિકેટ મળ્યું. આ મંજૂરી મેળવનાર એલેફ એ પ્રથમ ઉડતી કાર કંપની બની. આ કારનું ડિઝાઇનિંગ 2015થી શરૂ થયું હતું, જેમાં અલ્ટ્રા-લાઇટ મટિરિયલ, અદ્યતન સોફ્ટવેર, અને વિવિધ પ્રકારના ઉડતી પરીક્ષણોનો સમાવેશ થયો હતો.

ઉડતી કાર માટે 3,300 પ્રી-ઓર્ડર

એલેફ મોડેલ A નામની આ કાર માટે 3,300થી વધુ પ્રી-ઓર્ડર મળી ચૂક્યા છે. આ કાર સંપૂર્ણપણે ઇલેક્ટ્રિક છે અને એકવાર ચાર્જિંગ પર જમીન પર 322 કિમી અને હવામાં 177 કિમી ઉડી શકે છે. આ મોલ્ડલની પ્રારંભિક કિંમત $300,000 (અંદાજે ₹2.5 કરોડ) રાખવામાં આવી છે.

ભવિષ્યમાં ઉડતી કારનું સંભાવિત બજાર

ઉડતી કાર હવે માત્ર વૈજ્ઞાનિક કલ્પના ન રહી, પરંતુ હકીકત બની છે. ભવિષ્યમાં, આ કાર ભીડભર્યા શહેરોમાં વાહનવ્યવહારને વધુ સરળ અને ઝડપી બનાવી શકે છે. એલેફ એરોનોટિક્સ સિવાય અન્ય કંપનીઓ પણ ઉડતી કારના વિકાસમાં કાર્યરત છે, અને આગામી દાયકામાં ઉડતી કાર સામાન્ય દૃશ્ય બની શકે છે.