ચેમ્પિયન્સ ટ્રોફી 2025માં, ભારત અને ન્યુઝીલેન્ડે સેમિફાઇનલમાં પોતાનું સ્થાન નિશ્ચિત કર્યું

ચેમ્પિયન્સ ટ્રોફી 2025: સેમિફાઇનલ માટેની દોડ તેજ

આઈસીસી ચેમ્પિયન્સ ટ્રોફી 2025માં કુલ 8 ટીમો ભાગ લઈ રહી છે, જે બે ગ્રુપમાં વહેંચાઈ છે. દરેક ગ્રુપમાંથી ટોચની બે ટીમો સેમિફાઇનલમાં સ્થાન મળશે. હાલમાં ગ્રુપ A નું ચિત્ર સ્પષ્ટ છે, જ્યારે ગ્રુપ B માં હજી પણ અનિશ્ચિતતા છે.

ગ્રુપ A: ભારત અને ન્યુઝીલેન્ડ સેમિફાઇનલમાં

ભારત અને ન્યુઝીલેન્ડે ગ્રુપ A માં પોતાનું દબદબાવાળું પ્રદર્શન કર્યુ છે. બંને ટીમોએ અત્યાર સુધીની પોતાની 2-2 મેચ જીતીને સેમિફાઇનલ માટે ક્વોલિફાય કરી લીધું છે. હવે ગ્રુપ A ની ટોચની ટીમ નક્કી કરવા માટે ભારત અને ન્યુઝીલેન્ડ વચ્ચેની અંતિમ લીગ મેચ મહત્વપૂર્ણ રહેશે. બીજી બાજુ, પાકિસ્તાન અને બાંગ્લાદેશની ટીમો ટૂર્નામેન્ટમાંથી બહાર થઈ ગઈ છે.

ગ્રુપ B: સેમિફાઇનલ માટે હજી પણ સ્પર્ધા ચાલુ

ગ્રુપ B માં સેમિફાઇનલ માટે હજી તગડી ટક્કર ચાલી રહી છે. ઇંગ્લેન્ડની ટીમ પહેલેથી જ બહાર થઈ ગઈ છે, જ્યારે ઓસ્ટ્રેલિયા, દક્ષિણ આફ્રિકા અને અફઘાનિસ્તાનની ટીમો હજી રેસમાં છે. હાલમાં ઓસ્ટ્રેલિયા અને દક્ષિણ આફ્રિકા પાસે 3-3 પોઈન્ટ છે, જ્યારે અફઘાનિસ્તાન પાસે 2 પોઈન્ટ છે. આ ગ્રુપની છેલ્લી મેચો પછી જ સ્પષ્ટ થશે કે કઈ બે ટીમો સેમિફાઇનલમાં જશે.

કઈ ટીમ ભારત સામે ટકરાશે?

ભારત ગ્રુપ A માં ટોચ પર રહે તો તેની ટક્કર ગ્રુપ B ની બીજા સ્થાને રહેલી ટીમ સાથે થશે. જો ન્યુઝીલેન્ડ ટોચ પર રહે, તો ભારતને ગ્રુપ B ના વિજેતા સાથે રમવું પડશે.

હવે ચાહકોની નજર આગામી મેચો પર છે, જે સેમિફાઇનલની આખરી ટીમો નક્કી કરશે.