જાણીતા રાજકીય વિશ્લેષક અને સંરક્ષણને લાગતી બાબતોના જાણકાર હિરેન કોટક આમ આદમી પાર્ટીમાં જોડાયા

જાણીતા રાજકીય વિશ્લેષક અને સંરક્ષણ બાબતોના નિષ્ણાંત એવા હિરેનભાઈ કોટક આજે વિધિવત રીતે આમ આદમી પાર્ટીમાં જોડાયા. પ્રદેશ ઉપપ્રમુખ ભેમાભાઈ ચૌધરી અને અન્ય સાથી મિત્રોની હાજરીમાં હિરેનભાઈ કોટકનું સાદર સ્વાગત કરવામાં આવ્યું.

હિરેનભાઈ કોટક પોતે એક આગવી ઓળખ ધરાવતા પ્રતિભાશાળી વ્યક્તિ છે. તેમના જીવનસફરમાં તેમણે અનેક સંસ્થાઓ, લોકો અને સામાજિક વ્યવસ્થાઓલક્ષી સંસ્થાનો સાથે જોડાઈ તેમના અનુભવો અને જ્ઞાનનું માર્ગદર્શન આપ્યું છે.

ઇન્સ્ટિટ્યૂટ ઓફ ડિફેન્સ સ્ટડીઝ એન્ડ એનાલિસિસ, નવી દિલ્હીના એસોસીએટ મેમ્બર, મહર્ષિ ફાઉન્ડેશન - રાજકોટ, રામહુકુમ ટ્રસ્ટ - મુંબઈ, શ્રી વેદિક મિશન ફાઉન્ડેશન - અમદાવાદમાં ટ્રસ્ટી તરીકેની ભૂમિકા આખા સમાજમાં જાણીતી છે. "રીડ એન્ડ અર્ન" પ્રોગ્રામના પ્રણેતા જેની સરાહના આજે વિશ્વસ્તરના લોકો કરી રહ્યા છે.

હિરેનભાઈ કોટકનું આમ આદમી પાર્ટી સાથે જોડાવું એ એક ગુજરાતની અને દેશની જનતા માટે એક સુંદર સંદેશ છે કે આમ આદમી પાર્ટી એ એક સારા, ભણેલા-ગણેલા અને વિચારશીલ લોકોની પાર્ટી છે. આ પાર્ટીમાં જુદા જુદા ક્ષેત્રોની પ્રતિભા ધરાવતા લોકો જોડાઈ રહ્યા છે ત્યારે આ પાર્ટીનું ભવિષ્ય અને તેના થકી દેશ અને રાજ્યના લોકોનું ભવિષ્ય ઉજળું છે.

વિધિવત રીતે જોડાયા બાદ હિરેનભાઈ કોટકે જણાવ્યું છે કે આમ આદમી પાર્ટીમાં જોડાઈ હું મારા જ્ઞાન અને મારા અનુભવોને યોગ્ય જનતા ઉપયોગી ન્યાય આપી શકીશ તેનો વિશ્વાસ છે. આ સારા લોકોની પાર્ટી છે. અરવિંદ કેજરીવાલજીની વિચારધારા, સ્વરાજની વિચારધારા પ્રત્યે તેઓ આકર્ષિત થયા અને પાર્ટીમાં જોડાઈ પાર્ટીલક્ષી કામગીરી ઉપર અનુભવ પાથરવાનો તેમણે વિશ્વાસ વ્યક્ત કર્યો.

હિરેનભાઈ કોટક તેમના બહોળા અનુભવ સાથે આમ આદમી પાર્ટી ના નેતૃત્વના માર્ગદર્શક બની રહેશે તેવું ભેમાભાઈ ચૌધરી, ઉપપ્રમુખ, આમ આદમી પાર્ટી, ગુજરાતએ જણાવ્યું હતું. આમ આદમી પાર્ટી આવા તમામ સારા લોકોને સાદર આમંત્રિત કરે છે અને આમ આદમી પાર્ટી દ્વારા હિરેનભાઈ કોટક જનતા ઉપયોગી કાર્યો કરવામાં નિર્ણાયક ભૂમિકા ભજવશે તેવી અંતરની લાગણી વ્યક્ત કરી હતી.