સચિન તેંડુલકરની લાડકી સારાએ દેશી લૂકમાં જીત્યું દિલ તો યુઝવેન્દ્ર ચહલની પત્ની ધનશ્રી વર્માના ગ્લેમરે ઉડાવ્યા હોંશ

સચિન તેંડુલકરની દીકરી સારા તેંડુલકર સોશિયલ મીડિયા પર ઘણી એક્ટિવ રહે છે. સારાએ મોડલિંગની દુનિયામાં પણ એન્ટ્રી કરી છે. તેના બોલિવૂડમાં એન્ટ્રી કરવાના અહેવાલો પણ છે. આ દરમિયાન તેણે તેના ઈન્સ્ટાગ્રામ પર કેટલીક તસવીરો અને વીડિયો શેર કર્યા છે. સારાની તસવીરો અને વીડિયો સોશિયલ મીડિયા પર વાયરલ થઈ રહ્યા છે. તસવીરો અને વીડિયોમાં સારા તેંડુલકર ટ્રેડિશનલ લુકમાં ખૂબ જ સુંદર લાગી રહી છે. યુવરાજ સિંહની પત્ની અને બોલિવૂડ એક્ટ્રેસ હેઝલ કીચે પણ સારાની તસવીરો પર કોમેન્ટ કરી છે. બીજી તરફ, યુઝવેન્દ્ર ચહલની પત્ની ધનશ્રી વર્માએ પણ ઇન્ટરનેટ પર ગ્લેમર ઉમેર્યું છે.

સારાએ પોતાની તસવીરો શેર કરતાં લખ્યું, 'તે આ કપડામાં તે પોતાની જાતને રાજકુમારી જેવી મહેસુસ કરે છે.' સારાની તસવીરો પર કોમેન્ટ કરતાં હેઝલ કીચે લખ્યું, 'તમે રાજકુમારી જેવી જ દેખાઓ છો' સારા તેંડુલકરે તેના કપાળ પર બિંદી પણ લગાવી છે.

સારા તેંડુલકર ક્રોપ, પલાઝો પેન્ટ અને શ્રગ પહેરીને ખૂબ જ સ્ટાઇલિશ લાગી રહી છે. તસવીરોમાં સારા શ્રગ હલાવીને પોઝ આપી રહી છે. સારાની આ તસવીરો પર 5 લાખથી વધુ લાઈક્સ અને લગભગ 3000 કોમેન્ટ આવી ચૂકી છે. દર વખતની જેમ આ વખતે પણ કેટલાક લોકોએ તેનું નામ ભારતીય ક્રિકેટર શુભમન ગિલ સાથે જોડ્યું.

સારાની જેમ યુઝવેન્દ્ર ચહલની પત્ની ધનશ્રી વર્મા પણ સોશિયલ મીડિયા પર ઘણી એક્ટિવ છે. તે અવારનવાર તેના ડાન્સ વીડિયો શેર કરતી રહે છે. તેના ઘણા ડાન્સ વીડિયોએ ઈન્ટરનેટ પર ધૂમ મચાવી છે. જો કે આ વખતે ચર્ચા તેના ગ્લેમરસ લુકની છે.

ધનશ્રી વર્માએ તેની કેટલીક તસવીરો ઈન્સ્ટાગ્રામ પર શેર કરી છે. તસવીરોમાં તે ખૂબ જ ગ્લેમરસ લાગી રહી છે. તેણે વાઈન કલરનો ડીપ નેક ગાઉન પહેર્યો છે અને વાંકડિયા વાળ અને ન્યુડ મેકઅપ કર્યો છે.

આ તસવીરો તેના એક ફોટોશૂટની છે. ચાહકોને તેનો આ લુક પસંદ આવ્યો છે. ધનશ્રીએ પોતાની તસવીરોના કેપ્શનમાં લખ્યું છે કે, 'મારા મૌનને મારી મજબૂરી ન માનો. અમે ગુસ્સામાં નહીં પણ સમયનું મહત્વ સમજીને જવાબ આપીએ છીએ.તેમની આ તસવીરો પર દોઢ લાખથી વધુ લાઈક્સ અને સેંકડો કોમેન્ટ આવી ચૂકી છે. અભિનેત્રી રીના મધુકરે પણ તેની તસવીરો પર કોમેન્ટ કરી છે.