જમ્મુ-કાશ્મીર: તણાવ વચ્ચે એલઓસી પર જોવા મળી શંકાસ્પદ વસ્તુ, બીએસએફ સતર્ક.
પાકિસ્તાન પોતાની નાપાક હરકતોથી બહાર આવી રહ્યુ નથી. જમ્મુ-કાશ્મીરના સરહદી વિસ્તારોમાં તણાવ વચ્ચે એલઓસી નજીક શંકાસ્પદ વસ્તુ ઉડતી જોવા મળી છે. સેનાની સતર્કતાથી તે પાછી વળી ગઈ. હજુ એ વાતની પુષ્ટિ થઈ નથી કે તે ડ્રોન હતુ કે કોઈ બીજી વસ્તુ હતી.
રવિવારે સવારે જમ્મુ કાશ્મીરના પર્વતીય જિલ્લા પૂંછના મેંઢર સેક્ટરમાં ઉડનારી એક વસ્તુને જોયા બાદ નિયંત્રણ રેખા નજીક એલર્ટ જારી કરવામાં આવ્યુ છે. સૂત્રો અનુસાર શંકાસ્પદ વસ્તુ કદાચ એક ડ્રોન હતુ અને સેનાએ આની પર ગોળીઓ પણ ચલાવી. મેંઢરના એસડીપીઓ ઝેડ એ જાફરીએ જણાવ્યુ કે સેના અને પોલીસનું વિશેષ અભિયાન વિસ્તારમાં ચાલુ છે.
અગાઉ પણ આંતરરાષ્ટ્રીય સરહદ પર સાંબા સેક્ટરમાં પાકિસ્તાન ડ્રોનથી હથિયાર પડાવવાનો સતત પ્રયત્ન કરી ચૂક્યા છે. શુક્રવારે સાંજે પણ પાકિસ્તાની ડ્રોન ભારતીય વિસ્તારમાં ઘૂસી ગયા હતા. જેમની પર બીએસએફના સતર્ક જવાનોએ ફાયરીંગ કર્યુ.
પાકિસ્તાન પહેલાથી જ સાંબા સેક્ટરની ભૌગોલિક પરિસ્થિતિઓનો ફાયદો ઉઠાવવાની ફિરાકમાં રહ્યુ છે. પાકિસ્તાનની નજર જમ્મુ-કાશ્મીર નેશનલ હાઈવે નજીક અને હાઈવે સુધી ચોરી છુપે પહોંચવામાં મદદ કરનાર દરિયાઈ માર્ગ પર રહે છે.
પૂર્વમાં થયેલી ઘૂસણખોરીની ઘટના હોય કે ફરી સુરંગ ખોદવાની અને ડ્રોનથી હથિયારોની તસ્કરી, આ પ્રયત્નો તેમના વિસ્તારોમાં વધારે થઈ રહ્યા છે જે ઘૂસણખોરીના રૂટવાળા દરિયાઈ નાળા અને જંગલ ક્ષેત્રની આસપાસ છે.
બેનગલાડના ચક ફકીરા વિસ્તારમાં શુક્રવારે પાકિસ્તાની ડ્રોન જોવા મળ્યા હતા. જેને હથિયારોની તસ્કરી સાથે જોડીને જોવામાં આવી રહ્યુ છે. આનાથી પૂર્વ રામગઢ વિસ્તારમાં પણ ડ્રોનથી જોવામાં આવ્યુ હતુ. સાંબાના બંઈ નાળાની પાસે પણ બે વાર ડ્રોન જોવા મળ્યા. આમાંથી એકવાર રસાના વિસ્તારમાંથી હથિયાર પણ જપ્ત થયા હતા. સાંબાના બસંતર દરિયાથી પણ હથિયારોની ખેપ મળી ચૂકી છે.
બીજા દિવસે પણ તપાસ અભિયાન ચક ફકીરા વિસ્તારમાં સેનાએ શનિવારે પણ વિસ્તારમાં તપાસ અભિયાન ચલાવ્યુ. સેનાએ સમગ્ર વિસ્તારમાં શોધખોળ કરી, પરંતુ હથિયાર અને અન્ય શંકાસ્પદ વસ્તુ જપ્ત થઈ નહીં. તેમ છતાં સમગ્ર વિસ્તારમાં સુરક્ષા એજન્સીઓ એલર્ટ પર છે.