LPG Price Hike: મોંઘવારીનો ઝટકો, ફરી વધ્યા રસોઈ ગેસના ભાવ, જાણો હવે કેટલા માં મળશે સિલિન્ડર

તેલ કંપનીઓ દર મહિને એલપીજી સિલિન્ડરના ભાવની સમીક્ષા કરે છે. રાજ્ય પ્રમાણે રાજ્યમાં ટેક્સ બદલાય છે અને એલપીજીના ભાવ તે મુજબ બદલાય છે. દેશની ઓઇલ માર્કેટિંગ કંપનીઓએ 14.2 કિલો એલપીજી સિલિન્ડરના ભાવમાં 25 રૂપિયાનો વધારો કર્યો છે. આ પહેલા 1 જુલાઈએ એલપીજી સિલિન્ડરની કિંમતમાં 25.50 રૂપિયાનો વધારો કરવામાં આવ્યો હતો.

14.2 કિલો વાળા સિલિન્ડરની કિંમત

દિલ્હીમાં 14.2 કિલોગ્રામ વાળા સબસિડી વગરના LPG સિલિન્ડર 834.50 રૂપિયાથી વધીને 859.50 રૂપિયા થઈ ગયું છે. કોલકાતામાં તેની કિંમત 861 રૂપિયાથી વધીને 886 રૂપિયા, મુંબઈમાં 834.50 રૂપિયાથી વધીને 859.50 રૂપિયા અને ચેન્નઈમાં 850.50 રૂપિયાથી વધીને 875.50 રૂપિયા થઈ ગઈ છે.

19 કિલોનું સિલિન્ડર પણ થયું મોંઘુ 

જયારે, 19 કિલોગ્રામ વ્યાપારી ગેસના ભાવમાં 68 રૂપિયાનો વધારો થયો છે. હવે દિલ્હીમાં કોમર્શિયલ સિલિન્ડરની કિંમત વધીને 1618 રૂપિયા થઈ ગઈ છે. આ મહિનાની શરૂઆતમાં પણ 19 કિલો ગેસ સિલિન્ડરની કિંમતમાં 73.5 રૂપિયાનો વધારો કરવામાં આવ્યો હતો. જો કે, તે પછી સ્થાનિક એલપીજી સિલિન્ડરના ભાવમાં વધારો કરવામાં આવ્યો ન હતો.

જોકે, ઇન્ડિયન ઓઇલે હજુ સુધી તેની વેબસાઇટ પર નવા ભાવો વિશે માહિતી આપી નથી. પરંતુ જો તમે સિલિન્ડર બુક કરો છો, તો ગ્રાહકો પાસેથી ગેસ સિલિન્ડર માટે મોંઘા ભાવ લેવામાં આવે છે. જાણવું છે કે છેલ્લા એક વર્ષમાં અત્યાર સુધી LPG ગેસની કિંમતમાં 265.50 રૂપિયાનો વધારો થયો છે. જયારે, જાન્યુઆરીથી તેની કિંમતમાં 163.50 રૂપિયાનો વધારો થયો છે.

LPG સિલિન્ડર કેવી રીતે બુક કરવું

ઈન્ડેન LPG સિલિન્ડર બુક કરવા માટે 8454955555 પર મિસ્ડ કોલ કરો. આ સિવાય તમે વોટ્સએપ દ્વારા સિલિન્ડર પણ બુક કરાવી શકો છો. રિફિલ લખીને, તમે 7588888824 નંબર પર મેસેજ કરી શકો છો, તમારું સિલિન્ડર બુક થઈ જશે.

સરકાર આપે છે ગેસ સિલિન્ડર પર સબસિડી 

હાલમાં, સરકાર કેટલાક ગ્રાહકોને એક વર્ષમાં 14.2 કિલોના 12 સિલિન્ડર પર સબસિડી આપે છે. જો ગ્રાહકોને આના કરતા વધારે સિલિન્ડર જોઈએ છે, તો તેઓ તેમને બજાર ભાવે ખરીદે છે. ગેસ સિલિન્ડરની કિંમત દર મહિને બદલાય છે. તેની કિંમત સરેરાશ આંતરરાષ્ટ્રીય બેન્ચમાર્ક અને વિદેશી વિનિમય દરોમાં ફેરફાર જેવા પરિબળો દ્વારા નક્કી કરવામાં આવે છે.