તો મોરબી પેટા ચૂંટણીમાં ઝંપલાવશે આમ આદમી પાર્ટી, શરૂ કરી તૈયારીઓ...
આજ રોજ મોરબી જિલ્લામાં મોરબી સર્કિટ હાઉસ ખાતે બેઠકોની સમીક્ષા કરવામાં આવી હતી. જેમાં પ્રથમ મોરબી જિલ્લામાં આમ આદમી પાર્ટીના સંગઠન માળખા ની સમીક્ષા કરવામાં આવી. મોરબી જિલ્લામાં પ્રભારી ભરત બારોટ તથા મોરબી શહેર પ્રમુખ મહેશ રાજ્યગુરુ તથા શહેર મહામંત્રી પરેશ પરિયા ની આગેવાની ખૂબ મક્કમ રીતે મોરબી જિલ્લામાં સંગઠન મજબૂત થઈ રહ્યું છે. મોરબી જિલ્લામાં લગભગ તમામ તાલુકામાં જવાબદાર પદાધિકારીઓ ની નિમણુક કરવામાં આવી છે. જે બાકી છે ત્યાં જલ્દીથી કામગીરી પૂર્ણ કરવામાં આવશે. તે અંગેની ચર્ચાઓ પણ કરવામાં આવી હતી.
આ ઉપરાંત આજે ગુજરાતમાં ખૂણે ખૂણે થી શિક્ષિત અને સક્ષમ યુવાનો આમ આદમી પાર્ટી માં જોડાઈ રહ્યા છે. આથી જિલ્લા માં તમામ તાલુકામાં આગામી તાલુકા પંચાયતની ચૂંટણી માં મજબૂત અને સક્ષમ ઉમેદવારો ઉતારવામાં આવશે તેને લઈને પણ ચર્ચાઓ કરવામાં આવી હતી. તેમજ લોકો ના કામો આસાનીથી થઇ શકે. અને સ્થાની સુવિધાઓ ઊભી થઈ શકે તેવા પ્રયાસો કરી અમારા ચુંટાયેલા ઉમેદવારો દ્વારા કરવામાં આવશે તેવું પણ જણાવવામાં આવ્યું હતું.
આ સાથે આગામી મોરબી વિધાન સભાની પેટા ચુંટણીમાં ઉમેદવાર ઉતારવા બાબતે પણ સમીક્ષા કરવામાં આવી હતી.