શું ઘરમાં ઊંબરો હોવો જોઈએ?
જો વાસ્તુશાસ્ર અનુસારની દૃષ્ટિકોણથી જોઈએ, તો આપણે જોશું કે આજકાલ જે ઘરો બાંધવામાં આવે છે તે બધા એક દરવાજાના બનેલા હોય છે. ઘરના પ્રવેશદ્વારને ન તો ડિઝાઇન કરવામાં આવે છે અને ન તો ઊંબરો બનાવવામાં આવે છે.
તમે મંદિરોમાં જોયું હશે કે એકથી વધારે દરવાજા હશે. મંદિરમાં પ્રવેશ કરવા માટે બે દરવાજા હોય છે. સાથે દરેક મંદિરોમાં ઊંબરોતો જોવા મળે જ છે.
જો આપણે આપણા ઘરનો મુખ્ય દરવાજો દ્વિપક્ષી બનાવીએ અને ઊંબરો પણ બનાવીએ તો આપણે ઘણા દુષ્ટ પ્રભાવોને અટકાવી શકીએ છીએ. ઘરમાં કોઈ વ્યક્તિ પ્રવેશે તો ઊંબરો ઓળાંગીને જ આવતો હોય છે. પહેલાના સમયમાં ઊંબરોની પૂજા કરવાનો રિવાજ હતો. તેથી જો આપણે પણ આપણા ઘરમાં ઊંબરો બનાવીએ તો ઘણા અશુભ પરિણામોથી બચી શકાય છે.
વાસ્તુશાસ્ર અનુંસાર દરવાજા માટેના નિયમો:
- દરવાજો ખોલતી કે બંધ કરતી વખતે અવાજ ન કરવો જોઈએ.
- મુખ્ય દરવાજો પૂર્વ અથવા ઉત્તર દિશામાં જ બનાવવો.
- ઘરના મુખ્ય દરવાજા સામે દાદર ન હોવો જોઈએ.
- મુખ્ય દરવાજો ઘરની વચ્ચે નહીં પરંતુ જમણી અથવા ડાબી તરફ હોવો જોઈએ.
- મુખ્ય દરવાજાની સામે ઝાડ, દીવાલ, થાંભલા જેવી વસ્તુઓ ન હોવી જોઈએ.
- ઘરના મુખ્ય દરવાજાનો ઉંમરો રસ્તા કરતાં ઊંચો હોવો જોઈએ.
- વાસ્તુ શાસ્ત્ર અનુસાર ઘરનો મુખ્ય દરવાજો એવી રીતે બનાવવો કે તે ઘરની તરફ એટલે કે અંદરની તરફ ખુલે. મુખ્ય દરવાજો બહારની તરફ ખુલતો હોય તો સમસ્યાઓનો સામનો કરવો પડે છે.