સોમનાથ મંદિર હવે બનશે વધુ ભવ્ય, PM મોદી કરશે અનેક પ્રોજેક્ટ્સનું ઉદ્ઘાટન
વડાપ્રધાન નરેન્દ્ર મોદી 20 ઓગસ્ટના રોજ સવારે 11 વાગ્યે વીડિયો કોન્ફરન્સિંગ દ્વારા ગુજરાતમાં સોમનાથ મંદિર સંબંધિત અનેક પ્રોજેક્ટ્સનું ઉદ્ઘાટન અને શિલાન્યાસ કરશે. સોમનાથ સહેલગાહ, સોમનાથ પ્રદર્શન કેન્દ્ર અને જૂના સોમનાથના જીર્ણોદ્ધાર મંદિર સંકુલનો સમાવેશ થાય છે.
કાર્યક્રમ દરમિયાન પ્રધાનમંત્રી પાર્વતી મંદિરનો શિલાન્યાસ પણ કરશે.
સોમનાથ પ્રોમેનેડ ને PRASHAD (યાત્રાધામ કાયાકલ્પ અને આધ્યાત્મિક, હેરિટેજ પ્રમોશન ઝુંબેશ) યોજના હેઠળ કુલ રૂ. 47 કરોડથી વધુના ખર્ચે વિકસાવવામાં આવી છે.
'પ્રવાસી સુવિધા કેન્દ્ર' ના પરિસરમાં વિકસિત સોમનાથ પ્રદર્શન કેન્દ્ર, જૂના સોમનાથ મંદિરના ટુકડા થયેલા ભાગો અને જૂના સોમનાથના નાગર શૈલીના મંદિર સ્થાપત્ય શિલ્પો દર્શાવે છે.
શ્રી સોમનાથ ટ્રસ્ટ દ્વારા રૂ. 3.5 કરોડના ખર્ચે જૂના સોમનાથનું જીર્ણોદ્ધાર મંદિર સંકુલ પૂર્ણ કરવામાં આવ્યું છે. આ મંદિર અહિલ્યાબાઈ મંદિર તરીકે પણ ઓળખાય છે કારણ કે તે ઈન્દોરની રાણી અહિલ્યાબાઈ દ્વારા બનાવવામાં આવ્યું હતું.
અહિલ્યા બાઈએ મંદિરને ખંડેરોમાંથી બદલીને તેને હેરિટેજમાં ફેરવી દીધું હતું. યાત્રાળુઓની સલામતી અને ઉન્નત ક્ષમતા માટે સમગ્ર જૂના મંદિર સંકુલનો સંપૂર્ણપણે પુન:વિકાસ કરવામાં આવ્યો છે.
30 કરોડના ખર્ચે પાર્વતી મંદિર બનાવવાની દરખાસ્ત છે. જેમાં સોમપુરા સલાટ શૈલીમાં મંદિરનું નિર્માણ, ગર્ભગૃહનો વિકાસ અને નૃત્ય મંડપનો સમાવેશ થાય છે. આ પ્રસંગે ગુજરાતના સીએમ અને ડેપ્યુટી સીએમ સાથે કેન્દ્રીય ગૃહમંત્રી, કેન્દ્રીય પ્રવાસન મંત્રી ઉપસ્થિત રહેશે.